II. Cun d'una boxi amorosa,
Su fillu dd'hat cumbidada,
Beni po essir coronada,
Mamma cara, Filla e Sposa
Totu bella e tot'ermosà,
De su Libanu gloria. 

In tronu de ecc...

III. De su Carmelu decoru,
De Saron ses ornamentu,
De su celu ses cuntentu,
De is Angelus tesoru;
Po Reina deu t'adoru.
Mamma de Sabidoria. 

In tronu de ecc...

IV. Cun d’una sola mirada
Custu coru has allirgau,
Coru a Tui dedicau,
0 columba immaculada;
In su Celu ses esaltada,
Subra dogna gerarchia.

In tronu de ecc...

V. In Gesus s'Ascenzioni,
Fiat prus nobili in potenzia,
Prus ricca in magnificenza,
Est sa tua Assunzioni;
Issu Fillu tuu in personi
Ti fait dulzi cumpangia.

In tronu de ecc...

VI. Tui sola e singulari,
Subra tot'is Cherubinus,
T’assistint i Serafinus
Sa Corti Celesti impari;
In su Celu, terra e mari,
Tui tenis sa primazia.

In tronu de ecc...

VII. Tui ses dispensadora,
De is grazias zelestialis,
De is poberus mortalis,
Ses potenti protettora
Notti siast, e no Aurora.
A s'infernali Tirannia.

In tronu de ecc...

VIII. Cussa Regia briglianti
Po tui fiat preparada,
Imperadora destinada,
De su Deus regnanti,
Sposa sa prus amanti,
E digna de Monarchia

In tronu de ecc...

IX. De Gessen se bellu fiori,
De Israelli riccu vantu,
A tui su soli mantu
Solit essir de risplendori ;
Ses sa gloria, ses s'onori.
De su verdaderu Messia.

In tronu de ecc...

X. In Tui est accabada
S'ostinada e dura gherra,
Chi po s'inferru, sa terra
Tollérat angustiada;
Eroina preconizzada,
De su Celu e terra allegria.

In tronu de ecc...

XI. Cussu corpus tuu cunsegrau,
Aundi hat fattu residenzia,
Noi mesis s'onnipotenzia
De Gesus, Verbu Incarnau;
Ddu cuntemplant onorau,
Cun angelica melodia.

In tronu de ecc...

XII. Is Apostulus congregaus,
In su sacru funerali.
Su canticu angelicali
Nd'ascurtant ispantaus;
Testimongius sunt istaus
De sa dulzi sinfonia.

In tronu de ecc..

XIII. Po fillus is peccadoris
Tui t'abbrazzas in sa gruxi
Oi dei cussa immensa luxi,
Dispensas grazias e favoris:
De su Ceu is risplendoris,
Nos’allirghint in s'agonia,

In tronu de ecc..

XIV. Mamma ses universali,
Consolu de su cristianu
Nos difendas de su tirannu,
Falsu Spiritu infernali;
Mamma nosta speziali Totu dulzi,
clementi e pia.
In tronu de Magestadi

Riposat oi Maria.